معلومات عن عباس العقاد ، تعريف عباس العقاد
شباب اليوم
2010-10-29, 06:33 PM   #1
الكاتب MOODY




معلومات عباس العقاد تعريف عباس 8790021.jpg

عباس العقاد


عباس محمود العقاد ( اسوان ، مصر ، 1889- القاهره ،1964) أديب ومفكر وصحفى وشاعر مصرى قال ان اجداده كانوا أكراد.
اتولد عباس العقاد فى اسوان فى جنوب مصر و بعد ما خلص المدرسه الابتدائى اشتغل فى وظيفه كتابيه و بعدين سابها و اهتم بتثقيف نفسه بنفسه بالقرايه و اشتغل فى الصحافه. فى سنة 1916 نشر ديوان شعرى و بعد كده اتوالت مجموعاته الشعريه " وحى الأربعين " ، و " هدية الكروان " ، و " عابر سبيل " ، و " أعاصير مغرب ". و فى سنة 1921 اصدر مع ابراهيم المازنى كتاب نقدى عنوانه " الديوان ".
نتاج العقاد النثرى الأولانى غلب عليه طابع المقاله زى " الفصول " ، و " مطالعات فى الكتب و الحياه " ، و " مراجعات فى الأداب و الفنون " ، و بعدين اتجه لكتابة سير أعلام الإسلام بطريقة رسم الشخصيات فكتب " عبقرية محمد " ، و " عبقرية عمر " ، و " عبقرية خالد " و غيرها ، و كتب روايه واحده اسمها " سارة " ، و بعدين اتجه للدين و الفلسفه فكتب " الله " ، و " الفلسفة القرآنية " ، و دخل فى مجادلات مع المستشرقين و خصوم الإسلام فى " حقائق الاسلام و أباطيل خصومه " ، و " ما يقال عن الإسلام ".
العقاد كان غزير الانتاج و كتب اكتر من تمانين مؤلف زائد مقالات كتيره. فى سنة 1936 كتب سيرة الزعيم سعد زغلول. ظهرت عنه بحوث كتيره أهمها كتاب ألفوه تلامذته و كتاب للدكتور شوقى ضيف اسمه " مع العقاد ".


العقاد اعتبر الادب العربى متواضع و مش متحضر و فى رأيه إن السبب فى كده هى البصمه الابديه اللى فى الادب العربى من ايام العصر الجاهلى. و لاحظ العقاد و انتقد غياب التراث الفنى فى مجال الفنون البصريه فى الثقافه العربيه ، فالعرب قدمو زخارف هندسيه لكن ما قدموش حاجه تقريباً فى فنون العماره و البنا، ففى رأيه إن الفن البصرى العربى بيتسم بالزخرفه لمجرد الزخرفه اللى مالهاش صله بالحياه.
اشتهر العقاد بإسلوبه الجاف فى الكتابه و فى معاملة الكتاب و المفكرين فى وقته، و دخل فى مناوشات فكريه مع عميد الأدب طه حسين اللى قال عن العقاد انه هو شخصياً ما بيفهمش اللى بيكتبه ، و مع المفكر سلامه موسى اللى هاجمه العقاد بسبب دعوته للتطور و التمدين.



العاب باربي

أقرأ ايضاً حزب الله يخسر 3000 مقاتل في الحرب علي سوريا
قصة أطول لاعب كرة سلة في العالم
كلمات أغنية صوت الحق " صوت الحق " l حركة أحرار , كلمات اغنية صوت الحق



معلومات عن عباس العقاد ، تعريف عباس العقاد

 
2010-11-04, 03:57 PM   #3
الكاتب Ahmed Masoud


معلومات رائعه عن عميد الادباء العرب

موضوع قيم حقا عن العقاد

معلومات كثيره غزيه عن شخصيه لا يعرفها غالبنا الا اسما

تحياتى لك

أقرأ ايضاً أبكي على شام الهوى - مشارى راشد العفاسي
مسلسل يوميات ونيس الجزء الخامس الحلقة - 30 والاخيرة
مسلسل يوميات ونيس الجزء الخامس الحلقة - 29



 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها