كلمات اغنية عبدالحليم حافظ عدى النهار ، اغنية عدى النهار
شباب اليوم


العودة   منتديات شباب اليوم > >


 
2010-10-17, 07:33 PM   #1
الكاتب MOODY

Google+

كلمات اغنية عدى النهار لعبد الحليم حافظ

كلمات: عبد الرحمن الأبنودي ألحان: بليغ حمدي



عدّى النهار

و المغربية جايّة

تتخفّى ورا ضهر الشجر

و عشان نتوه في السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها

الصباح

أبو شمس بترش الحنين؟

أبداً ..

بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان

و على النغم

تحلم بلدنا

بالسنابل و الكيزان

تحلم ببكره

و اللي حيجيبه معاه

تنده عليه في الضلمة

و بتسمع نداه

تصحى له من قبل الأدان

تروح تقابله في الغيطان

في المصانع .. و المعامل

و المدارس .. و الساحات

طالعة له صحبة

جنود

طالعة له رجال ..

أطفال .. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار


أقرأ ايضاً دعاء ليلة القدر
صور اجمل قطار في العالم 2015 , صور افخم قطار بالعالم 2015
اخبار مصر اليوم 24 يوليو 2014 , عناوين الصحف المصرية اليوم الخميس 24-7-2014



كلمات اغنية عبدالحليم حافظ عدى النهار ، اغنية عدى النهار

 

Powered by vBulletin®Copyright ©2000 - 2014
جميع الحقوق محفوظة لمنتديات شباب اليوم 2013-2014-2015-2016-2017
المواد المنشورة فى موقع شباب اليوم لاتعبر بالضرورة عن وجهة نظر الإدارة وإنما تعبر عن وجهة نظر كاتبها